ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ದಿ ಯೋಜನೆ ದೊಡ್ಡಬಳ್ಳಾಪುರ ತಾಲ್ಲೂಕಿನ ಶ್ರೀ ಧರ್ಮಸ್ಥಳ ಶೌರ್ಯ ವಿಪತ್ತು ನಿರ್ವಹಣಾ ಘಟಕ ಅಣಗಲಾಪುರದ ಸ್ವಯಂಸೇವಕರು ಸಾಮಾಜಿಕ ಸೇವಾ ಚಟುವಟಿಕೆಯ ಭಾಗವಾಗಿ ವಾತ್ಸಲ್ಯ ಮನೆಯ ಮೇಲ್ಚಾವಣಿ ಹೊದಿಕೆ ಕೆಲಸ ಮಾಡಿದರು.
ತಾಲ್ಲೂಕಿನ ಮೆಣಸಿ ಕಾಲೋನಿಯ ಬಡ ಕುಟುಂಬಕ್ಕೆ ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ದಿ ಯೋಜನೆಯಿಂದ ವಾತ್ಸಲ್ಯ ಕಾರ್ಯಕ್ರಮದ ಅಡಿಯಲ್ಲಿ ಮನೆ ಮಂಜೂರಾಗಿದ್ದು ಮನೆ ನೀರ್ಮಾಣ ಮಾಡಲಾಗುತ್ತಿದೆ.
ಈ ಮನೆಯ ನಿರ್ಮಾಣದ ಸಮಯದಲ್ಲಿ ಜ್ಞಾನವಿಕಾಸ ಸಮನ್ವಯಾಧಿಕಾರಿಯವರ ಮಾರ್ಗದರ್ಶನದಲ್ಲಿ ಶೌರ್ಯ ತಂಡದ ಸ್ವಯಂಸೇವಕರು ಒಂದು ದಿನದ ಶ್ರಮದಾನ ನಡೆಸಿ ಮನೆಯ ಮೇಲ್ಚಾವಣಿ ಹೊದಿಕೆಯ ಕೆಲಸ ಮಾಡಿದರು.
ಘಟಕದ ಸದಸ್ಯರಾದ ಹನುಮಂತ, ರಾಯಪ್ಪ, ಜಗದೀಶ್, ಶಶಿಕುಮಾರ್, ಸುಮಿತ್ರ, ಮಂಜುಳ ಉಪಸ್ಥಿತರಿದ್ದರು.
ಇದೇ ಸಂದರ್ಭದಲ್ಲಿ ಘಟಕದ ಮಾಸಿಕ ಸಭೆಯಲ್ಲಿ ಭಾಗವಹಿಸಿದರು.
